Euskera

   BILBO, 11 Mar. (EUROPA PRESS) -    Bilboko Burtsa 12,50 puntu jaitsi da gaurko saioaren amaieran eta behin betiko indizea 1.799,37 puntukoa izan da.

   BILBO, 11 Mar. (EUROPA PRESS) -    Getxoko (Bizkaia) Udaltzaingoak 19 eta 22 urte arteko lau pertsona atxilotu ditu gaur goizaldean Algorta auzoan ustez indarkeriz lapurreta bat egiteagatik, Getxoko Udaleko iturriek jakinarazi dutenez.   Gauerdia igarota, Getxoko Udaltzaingoaren egoitzan dei telefonikoa jaso dute Algortako Euskal Herria kalean pertsona talde bat borrokan zegoela salatuz. Udaltzainen patruilak bertaratuta, gazte batzuek salatu zuten haietariko batek kolpeak jaso zituela eta bi jaka, Ipod bat, argazki kamera digitala eta betaurreko graduatuak kendu zizkiotela.

   BILBO, 11 Mar. (EUROPA PRESS) -    Euskal Herriko Unibertsitateak (EHU) antolaturiko Bilboko Lasterketa Mistoaren laugarren edizioa jokatuko da igande honetan, eta iazko 500 kirolari baino gehiagoren partaidetza gainditzea espero dute antolatzaileek. Goizeko 10:30etan Bilboko uidaletxearen ondotik hasita, Uribitarte Ibilbidean egingo da lasterketa.

   BILBO, 11 Mar. (EUROPA PRES) -    Gernika-Lumoko Udaleko (Bizkaia) Zerbitzu eta Ingurumen Sailak ostalaritzara zabaldu du "Hemen beira birziklatzen dugu" kanpaina, joan den abenduan herritarrekin egin zuen bezala, kalean informazio karpa bat ipinita. Oraingoan, batetik, kontainer zabal eta handiagoak ipiniko dira datozen asteetan, eta, bestetik, ostalariei informazioa emango zaie eskura.

   BILBO, 11 Mar. (EUROPA PRESS) -    AIC Automotive Intelligence Center fundazioak 570 laguni eman zien prestakuntza 2009. urtean, automobilgintza-sektorean profesionaltasuna areagotzeko estrategiaren baitan. Prestakuntza Unitatea (AIC Training Unit) arduratu da sektoreko profesionalei zuzendutako prestakuntza hori garatzeaz.

   BILBO, 11 Mar. (EUROPA PRESS) -    Bilboko Burtsa 4,74 puntu jaitsi da gaurko saioaren erdian eta behin-behineko indizea 1.807,13 puntukoa da.

   BILBO, 11 Mar. (EUROPA PRESS) -    Don Byron klarinetista estatubatuarrak gospel musikaren arloan egindako bere azken proiektua aurkeztuko du martxoaren 15ean Bilboko Campos Antzokian, New Gospel Quintet izenekoa, hain zuzen. Emanaldia 20:00etan hasiko da eta Bilbao 700 Fundazioaren "365 Jazz Bilbao" programaren baitan dago.

   BILBO, 11 Mar. (EUROPA PRESS) -    Ertzaintzaren agenteek 35 urteko gizonezko bat atxilotu zuten bart Barakaldon (Bizkaia) lapurreta delitu bat egotzita. Udalerrian egiten ari diren obra batean kablea lapurtu nahian harrapatu zuten, Eusko Jaurlaritzako Herrizaingo Sailak gaur jakinarazi duenez.

   BILBO, 11 Mar. (EUROPA PRESS) -    Sprilur erakundeak Britainia Handiko esperientzia arrakastatsuan oinarritutako enpresa-eremuak kudeatzeko eredu berri bat aurkeztu du. Britainia Handian esparru publiko eta pribatuaren arteko lankidetza proiektuak burutu dira hirietako merkataritza-gune eta industrialdeetan azpiegiturak eta zerbitzuak suspertzeko, kontserbatzeko eta ezartzeko.

   BILBO, 11 Mar. (EUROPA PRESS) -    Bilboko Udaleko Kultura eta Hezkuntza Sailak Bilbaina Jazz Club elkartearekin elkarlanean sustatzen duen Bilbao Distrito Jazz ekimenaren lehenengo kontzertua izango da bihar, eta zenbait emanaldi proposatuko ditu martxoko eta apirileko ostiraletarako, arratsaldeko 20:00etatik aurrera, Bilboko hainbat barrutitan.