Alerten deth risc mercat d'allaus a tot eth Pirineu catalan

   Er Institut Geològic de Catalonha (IGC) e eth Servici Meteorològic de Catalonha (SMC) an alertat aué de risc mercat d'allaus --nivèu 3-- per sobre de 2.200 mètres en Pirineu oriental e en en tot vessant èst e sud deth Pirineu occidentau, qu'anarà en leugèr aument enes pròplèus ores, segontes un comunicat.

   Es allaus que pòden formar-se se pòden destacar per sobrecarga e èster de dimensions mejanes a tot eth Pirineu. Ar oriental s'an acumulat enquia 30 centímetres de nhèu recenta en toti es sectors, quantitat qu'ei de 10 centímetres ena zòna occidentau Ei previst que seguisquen es nevades e s'aumenten es ratxes de vent, de manera qu'es plaques nivals seguiràn plan inestables enes dues zònes.

   Segontes era predicció meteorològica, era nuvolositat aumentarà enes pròplèus ores e es temperatures seràn moderadament mès baishes, en tot deishar un ambient plan heired. Enes pròplèus 72 ores es naues nevades haràn qu'eth mantell nival se presente mès inestable.