Eth jutge aurà quate dies per decidir eth bloqueig de contenguts que vulnerin es drets d'autor a Internet

   Era ministra de Cultura, Ángeles González-Sinde, a explicat aué qu'eth modèl elegit peth Govèrn per talhar eth problèma des descargues que vulnerin es drets d'autor a Internet ei un "sistèma mixt".

   Quan un titular de drets d'autor considère qu'era sua òbra ei espetada sense llicència presentarà ua denúncia ena seccion dusau, que se crearà a aguest efècte, dera Comission de Proprietat intellectuau, qui analisarà eth cas e ac remetrà a un jutge dera Audiència Nacional deth contenciós administratiu, qu'aurà un termini de quate dies per autoritzar eth bloqueig d'aguesti contenguts concrèts.

   Segontes era opinion de González-Sinde, aguesta ei "ua proposicion equilibrada" desvolopada ar avantprojècte de Lei d'Economia Sostenibla qu'eth Conselh de Ministres a enviat aué as organs consultius. Era mesura preten harmonitzar, a dit era ministra, es drets de toti, "des ciutadans coma usatgèrs deth Hilat e des que viuen dera cultura".

   Segontes González-Sinde, aguesta mesura lluita "còntra es que s'enriquissen il·legalment e se profiten d'auti". "Era Administracion e les jutges, qu'auràn de decidir rapidament, a cadun eth sòn papèr en aguest procès", a postil·lat.